[img]
[/img]ورق عنب ماركه مارتكسبو من كليفورنيا هذا افضل نوع استخدمته ومتوفر بالجمعيات
تقريبا كوب عيش مغسول ومنقع بماي
2 طماط طري مقطع قطع صفيره + بصله كبيره مفرومه+ حبتين ثوم مفرومه+ لحم مفروم تقريبا نص كيس مثلج+2 ملعقه دبس رمان+2 ملعقه معجون طماط+ شدتين اشبنت مفروم+ ملح وفلفل اسود وكركم و4 ملاعق سكر + 2 ملعقه زيت
كل هالمقادير تخلطينها مع العيش بعد ماتصفينه من الماي وهم تقدرين تذوقينه يحتاج ملح او سكر
الورق عنب تغسلينه عدل عشان الملح الي فيه يروح وشوي نقعيه بماي دافي ليطرى شويه
الصلصه انا طريقتي اسويها كالتالي
اقصص بصله صغيره مع 3 فصوص ثوم واحطهم بجدر واحمسهم بزيت واكون منقعه يمي 4 قفاش كبار صبار ( تمر هندي) وقطعه قمردين او جم حبه مشمش مجفف احطه مع الصبار
3 طماط مفروم + علبه معجون طماط
كل هالمقادير احطهم على البصل على النار حتى الصبار احطه اهو وطعامه وازيدهم تقريبا ماي مغلي حسب كميه الورق عنب لازم يغطي ورق العنب باربع اصابع تقريبا
انتي قدري كميه الماي على هالاساس
احط عليه حبه فلفل حار وحسب ماتحبينه حار ولالا وشويه فلفل اسود وملح ونص كوب شكر وهم ارد اتذوق المرق اذا احبه فيه حلات اكثر ولالا واقدر الملح بعد ولما يبدي يغلي المرق اسكر النار
في جدر اقطع بصل وبطاط شرايح والي عنده ريش هم صفيه تحت الجدر شنو يطلع لذيذ موطبيعي وحطي عليهم ربع كوب زيت
وابدي لفي الورق وصفيه انا اقصص الورق اذا كان كبير ولازم تلفينه الوجه الي يلمع لازم يكون بره
اللحين اخذي مشخل وشخلي المرق على ورق العنب وحطي صحن ثقيل عليهم عشان لايتفجج الورق
حطيه على نار قويه اول ربع ساعه بعدين قصري النار وخليه نص ساعه تقريبا وبالاخر خلي تحته حديده ثقيله خليه يستوي على مهل ويتسبك وبالاخر اذا استوى عصري ليمونه وحطي عصيرها على الورق عنب ووقت التقديم رشي على الويه اشبنت ناعم
» إيقاف العادات السيئة يبدأ من الدماغ
» دراستان تنصحان بالتعامل المبكر مع مشكلة زيادة الوزن لدى الاطفال
» انتبه لغذائك بعد سن الأربعين
» الكشف عن طريقة لإيقاف تدهور العضلات مع تقدم العمر
» الوزن الزائد والسمنة يرتبطان بسوء أورام البروستات
» الاختلاء بامرأة غريبة.. يصيب الرجل بأمراض خطيرة!
» زيت الزيتون يعزّز صحة خلايا البشرة
» مستحضرات التجميل.. تتسبب بسن اليأس المبكر