سؤالين للشباب ... وسؤالين للبنات ... ارجوا الدخول والأجابة بكل [ صراحة ] ...!

شهد : فيصل امي تبيك الحين

فيصل : وش تبي ؟


شهد : تبيك توديني السوق بسرعه


فيصل : لحوووول كل يوم مشوار ماني فاضي لك مشغول روحي لمحمد فاضي



000


شهد : محمد ممكن توديني السوق محتاجته اليوم ضروووري


محمد : معليش والله مشغول روحي لـ اخوانك < شكله من عيال الجيران




000


شهد : مساء الخييير خلوودي الغالي ممكن نروح السوق نتمشى ثم نتعشى < زانت الاخلاق


خالد : دام فيها عشى يالله مشينا تجهزي بسرعه


خالد جاه اتصال ....




خالد : هلا


صديقه : هلا ابوخلود تراني قدام الباب اطلع نبي نروح مشوار قريب


خالد : اوكي جايك الحين


سكر السماعه وراح لصديقه وسحب على اخته

000


بعد هذه المواقف البسيطه ندخل في الموضوع
ما رأيكم في تعامل بعض الاشخاص لـ اخواتهم بهذي الطريقه ؟





هل أنت ممن يعطي اخواتهم حقهم من وقتك ويجلس معهم ويستمع إليهم ؟
هل لديك احد من أخواتك قريب من قلبك عكس باقي الأخوات ؟





هل أنتي لديكِ اخوان لا يهتمون لطلباتك ؟
هل انتي راضيه عن تعامل بعض الاخوان لكِ ؟
اريد جواب من الجميع وأريد الصراحه عنوان هذا الطرح مع ذكر بعض المواقف إذا أمكن



والسموحه

يعطيك العافيه اخوي انا الحمدالله اخواني مو مقصرين معي مره ودوم يشكون لي واشكي لهم ويفرحون لفرحي ويحزنزن لحزني وعني انا اصغر سن وهم اكبر بس الحمدالله متفاهمين والله لايحرمني منهم ويدومهم لي اتمنى التفاعل مع الموضوع من جميع الاعضاء وخاصه الشباااب

الحمدالله انا عندي اخوه بصراحه اوقات يوديني بطيب خاطرووقات لاوالله يتملل مايوديني الابعد صيحه بس بصراحه اوقات يكون يحن علي ويوديني الله يخليه لي يارب ويحفظه من كل شر وجميع المسلمين